సూర్యాపేట టౌన్ (జనంసాక్షి):శ్రావణమాసం రెండవ మంగళవారం పురస్కరించుకొని నేడు స్థానిక సంతోషిమాత దేవాలయంలో మంగళ గౌరీ వ్రతములను నిర్వహిస్తున్నట్లు దేవాలయ అధ్యక్ష కార్యదర్శులు నూక వెంకటేశం గుప్తా, బ్రాహండ్లపల్లి మురళీధర్ తెలిపారు.సోమవారం దేవాలయంలో ఏర్పాటు చేసిన సమావేశంలో వారు మాట్లాడుతూ గత 10 ఏళ్లుగా సంతోషిమాత దేవాలయంలో  మహిళలకు సౌభాగ్యానిచ్చే మంగళ గౌరీ వ్రతము నిర్వహిస్తున్నట్లు తెలిపారు.అనంతరం భక్తులకు అన్నప్రసాదం అందజేయనున్నట్లు తెలిపారు.భక్తులు అధిక సంఖ్యలో పాల్గొని అమ్మవారి అనుగ్రహానికి పాత్రులు కావాలని కోరారు.సూర్యాపేట టౌన్ సిఐగా పనిచేసి బదిలీపై వెళ్లిన ఆంజనేయులు అమ్మవారిని దర్శించుకుని ప్రత్యేక పూజలు నిర్వహించారు.ఈ సందర్భముగా దేవాలయ అర్చకులు వేద ఆశీర్వచనం అందజేశారు.కమిటీ సభ్యులు శేష వస్త్రంతో సన్మానించారు.ఈ కార్యక్రమంలో దేవాలయ ఉపాధ్యక్షులు నరేంద్రుని విద్యాసాగర్ రావు , కొత్త మల్లికార్జున్, అర్చకులు ఇరువంటి శివరామకృష్ణ , మంగిపుడి వీరభద్రశర్మ , భట్టారం వంశీకృష్ణ , దేవాలయ మేనేజర్ బచ్చు పురుషోత్తం తదితరులు పాల్గొన్నారు.