ఆదేశాలు జారీ చేసిన చీఫ్ సెక్రటరీ సోమేష్ కుమార్

పటాన్చెరు సెప్టెంబర్ 21(జనం సాక్షి)

పటాన్చెరు పట్టణంలో రిజిస్ట్రేషన్ కార్యాలయం ఏర్పాటుకు ప్రభుత్వం కీలక ఆదేశాలు జారీ చేసింది.ముఖ్యమంత్రి కేసీఆర్ ఆదేశాల మేరకు, మంత్రులు కేటీఆర్, హరీష్ రావు సూచనలకు అనుగుణంగా బుధవారం మెదక్ ఎంపీ కొత్త ప్రభాకర్ రెడ్డి, తెలంగాణ చేనేత కార్పొరేషన్ చైర్మన్ చింత ప్రభాకర్ తో కలిసి పటాన్చెరు శాసనసభ్యులు గూడెం మహిపాల్ రెడ్డి చీఫ్ సెక్రటరీ సోమేష్ కుమార్ తో ప్రత్యేకంగా సమావేశమయ్యారు.రాష్ట్ర రాజధానికి కూత వేటు దూరంలో ఉన్న పటాన్చెరు నియోజకవర్గం రోజురోజుకి అభివృద్ధి చెందుతూ ఉందని తెలిపారు. ఈ నేపథ్యంలో స్థానికంగా రిజిస్ట్రేషన్ కార్యాలయం లేకపోవడంతో   ప్రజలు తీవ్ర ఇబ్బందులు ఎదుర్కోవాల్సి వస్తుందని తెలిపారు. 2018 ఎన్నికల సమయంలో.. ముఖ్యమంత్రి కేసీఆర్ నియోజకవర్గ ప్రజలకు రిజిస్ట్రేషన్ కార్యాలయం ఏర్పాటు చేస్తామని హామీ ఇచ్చారని గుర్తు చేశారు. ఇందుకు స్పందించిన చీఫ్ సెక్రటరీ సోమేష్ కుమార్ ముఖ్యమంత్రి కేసీఆర్ ఆదేశాల మేరకు పటాన్చెరు పట్టణంలో రిజిస్ట్రేషన్ కార్యాలయం ఏర్పాటుకు సంబంధించిన పనులను వెంటనే ప్రారంభించాలని సీఎం కార్యదర్శి రాహుల్ బొజ్జా కు ఆదేశాలు జారీ చేశారు.