సూర్యాపేట టౌన్ (జనంసాక్షి): స్థానిక వేంకటేశ్వర స్వామి దేవాలయంలో నిర్వహిస్తున్న పవిత్రోత్సవ కార్యక్రమంలో భాగంగా ఆదివారం శ్రీనివాసుడు పవిత్రమాలాలంకృతుడై భక్తులకు దర్శనమిచ్చాడు.శ్రీ పాంచరాత్ర ఆగమ శాస్త్ర యుక్తముగా సకల ఆరాధన లోప ప్రాయశ్చితార్థముగా నిర్వహించే ఈ పవిత్రోత్సవములను యజ్ఞచార్యులు ఆగమపండితులు నల్లాన్ చక్రవర్తుల హరిచరణ్ ఆచార్యులు ఘనంగా నిర్వహించారు.అగ్ని ప్రతిష్ట హోమములు , ఆరాధనలు, నిత్య పూర్ణాహుతి తదితర కార్యక్రమాలు నిర్వహించారు.ఈ కార్యక్రమంలో ఆలయ ప్రధాన అర్చకులు నల్లాన్ చక్రవర్తుల వేణుగోపాలాచార్యులు, కార్యనిర్వహణాధికారి శ్రీనివాసరెడ్డి టీఎస్వి సత్యనారాయణ, కృష్ణయ్య ,రవీందర్, కరుణాసాగర్ రెడ్డి, మంజుల , సుభాషిని, మహిమ , అర్చకులు శ్రీహరి ఆచార్యులు, సంకర్షణాచార్యులు, ఫణికుమార్ ఆచార్యులుతదితరులు పాల్గొన్నారు.