జనంసాక్షి, రామగిరి : కాంగ్రెస్ పార్టీ గెలుపు కోసం నాయకులు, కార్యకర్తలు సైనికుల పనిచేయాలని, ప్రతి కార్యకర్తకు అన్నివేళలా అండగా ఉంటానని మంథని ఎమ్మెల్యే దుద్దిల్ల శ్రీధర్ బాబు సోదరుడు దుద్దిల్ల శ్రీనుబాబు అన్నారు ఆదివారం రామగిరి మండల కేంద్రంలోని సత్య ఫంక్షన్ హాల్ లో నిర్వహించిన రామగిరి మండల కాంగ్రెస్ పార్టీ సమావేశానికి ముఖ్య అతిథిగా దుద్దిల్ల శ్రీను బాబు పాల్గొని ప్రసంగించారు. కాంగ్రెస్ పార్టీతోనే అభివృద్ధి సాధ్యమని అన్నారు. కాంగ్రెస్ కార్యకర్తలు సైనికుల్లా పని చేసి రాబోయే ఎన్నికల్లో కాంగ్రెస్ పార్టీ తడాఖా చూపించాలన్నారు. కాంగ్రెస్ పార్టీ ద్వారా ప్రజల పక్షాన నిలబడి ప్రతి ఒక్క కాంగ్రెస్ కార్యకర్త పోరాటం చేయాలని పిలుపునిచ్చారు. ప్రజలకు న్యాయం చేసే పార్టీ కేవలం కాంగ్రెస్ పార్టీ అని అన్నారు. ప్రజా గాయకుడు గద్దర్ అపోలో హాస్పిటల్ లో చికిత్స పొందుతూ మృతి చెందగా అతని ఆత్మకు శాంతి చేకూరాలని సంతాపం తెలియజేస్తూ రెండు నిమిషాలు నిముషాలు మౌనం పాటించారు . ఈ మండల సమావేశంలో కాంగ్రెస్ పార్టీ నాయకులు, కార్యకర్తలు పెద్ద సంఖ్యలో పాల్గొన్నారు.