వివరాలు తెలియజేసిన ఎస్సై రమేష్ బాబు

కేసముద్రం ఆగస్టు 8 జనం సాక్షి / పురుగుల మందు తాగి ఓ వ్యక్తి ఆత్మహత్య చేసుకున్న సంఘటన మండలంలోని ధన్నసరి గ్రామంలో సోమవారం నాడు చోటుచేసుకుంది. పోలీసులు తెలిపిన వివరాల ప్రకారం….కేసముద్రం మండలం దన్నసరి గ్రామానికి చెందిన శ్రీకాంత్ రెడ్డి(36) సోమవారం క్రిమిసంహారక మందు తాగి ఆత్మహత్య చేసుకున్నట్లు ఎస్ఐ రమేష్ బాబు తెలిపారు.స్థానిక దన్నసరి సొసైటీలో అవుట్ సోర్సింగ్ ఉద్యోగిగా పని చేస్తున్న శ్రీకాంత్ మధ్యాహ్నం బేరువాడ సమీపంలో పురుగుల మందు తాగగా కుటుంబ సభ్యులు హాస్పటల్కు తరలించిన క్రమంలో మృతి చెందినట్లు ఎస్ఐ వివరించారు.వ్యక్తిగత అప్పులు ఉండడంతో వాటిని ఎలా తీర్చాలో తెలియక తన కుమారుడు ఆత్మహత్య చేసుకున్నట్లు శ్రీకాంత్ తండ్రి మల్లారెడ్డి ఇచ్చిన ఫిర్యాదు మేరకు కేసు నమోదు చేసుకున్నట్లు ఎస్ఐ చెప్పారు.మృతుడికి భార్య దివ్య ఇద్దరు కుమారులు ఉన్నారు…..