నల్లబెల్లి అక్టోబర్ 7 ( జనం సాక్షి): మండలంలోని నారక్క పేట రైతు వేదికలో 1994-  95 విద్యా సంవత్సరంలో 7వ తరగతి చదివిన పూర్వ విద్యార్థుల ఆత్మీయ సమ్మేళనం శుక్రవారం ఘనంగా నిర్వహించారు. ముందుగా విద్యార్థులు అలనాటి జ్ఞాపకాలను గుర్తు చేసుకుంటూ ఒకరినొకరు ఆప్యాయంగా పలకరించుకున్నారు. అనంతరం విద్యాబుద్ధులు నేర్పిన గురువులను శాలువాతో సత్కరించి మెమొంటోను అందజేశారు. ఈ కార్యక్రమంలో పాఠశాల స్థాపికుడు తాళ్లపేల్లి చంద్రమౌళి, ప్రధానోపాధ్యాయులు వులి రావుల కుమారస్వామి, ఉపాధ్యాయులు శ్యాంసుందర్, పో షేల్లయ్య, బాబు, కొమ్మాలు, కృష్ణ కుమార్, సర్పంచ్ వక్కల మల్లక్క, గ్రామ ప్రముఖులు వక్కల చంద్రమౌళి, విద్యార్థులు కుమారస్వామి, సుధాకర్, రమాదేవి, రాజు, అనిత ,సరిత , శోభ ,సరస్వతి, రజిత, రమేష్ ,సతీష్, రజిత ,చందర్ , లక్ష్మణరావు లు పాల్గొన్నారు.