అక్టోబర్ 7 జనం సాక్షి /

2002-2003 పూర్వ విద్యార్థుల ఆత్మీయ కలయిక ఇనుగుర్తి మండల కేంద్రంలో ఘనంగా నిర్వహించారు.ఈ కార్యక్రమంలో స్థానిక పాఠశాల ఇంచార్జ్ కొమ్ము రాజేందర్ అధ్యక్షత వహించగా ముఖ్యఅతిథిగా స్థానిక సర్పంచ్ దార్ల రామ్మూర్తి పాల్గొన్నారు.పూర్వ విద్యార్థులు తమ తమ అనుభవాలను ఉపాధ్యాయులతో పంచుకోగా  ఉపాధ్యాయులు వారికి గల అనుభవాలను నెమరు వేసుకున్నారు.ఈ సందర్భంగా ఉపాధ్యాయులు మాట్లాడుతూ తమ శిక్షణలో అనేక మంది విద్యార్థులు ఉన్నత స్థాయికి చేరుకోవడం ఆనందంగా ఉందన్నారు.20 సంవత్సరాల తర్వాత కలిసిన పూర్వ విద్యార్థులు తమ తమ స్నేహభావంతో మెలగడం ఆనందంగా ఉందన్నారు.ఈ సందర్భంగా పూర్వ ఉపాధ్యాయులైన కన్న సాంబయ్య,రెహమాన్, వెంకటేశ్వర్లు,గోపాల్ రెడ్డి,చారి, ప్రసాద్,చింతామణిలను ఘనంగా శాలువా,జ్ఞాపికలతో ఘనంగా సన్మానించారు.ఈ కార్యక్రమంలో దాదాపు 100 మంది పూర్వ విద్యార్థులు పాల్గొన్నారు.