బోనకల్ :బోనకల్ మండలంలోని పలు గ్రామాలలో సర్పంచుల ఆధ్వర్యంలో ఆసరా పింఛను లబ్ధిదారులకు గుర్తింపు కార్డులు పంపిణీ చేయడం జరిగింది. ఈ సందర్భంగా రావినూతల గ్రామంలోని రైతు వేదికలో జరిగిన ఆసరా పెన్షన్ లబ్ధిదారుల గుర్తింపు కార్డుల పంపిణీ కార్యక్రమంలో పాల్గొన్న లింగాల కమల్ రాజు మాట్లాడుతూ పేదల పెన్నిధి కేసీఆర్ అని అన్నారు. కొత్త ఆసరా లబ్ధిదారులకు ఆసరా పింఛన్ గుర్తింపు కార్డులను పంపిణీ చేశారు. ఈ సందర్బంగా ఆయన మాట్లాడుతు మన ముఖ్యమంత్రి కేసీఆర్ పేదల కోసం అనేక సంక్షేమ పథకాలు ప్రవేశ పెట్టి పేదల గుండెల్లో చిరస్థాయిగా నిలిచిపోయారని అన్నారు.సీఎం కేసీఆర్ తెలంగాణా రాష్ట్ర సాధన కోసం ప్రాణాలకు తెగించి పోరాటం చేసి తెలంగాణ రాష్ట్రాన్ని సాధించారని తెలిపారు. ఆ తరువాత కేసీఆర్ ముఖ్యమంత్రిగా పదవి చేపట్టి సబ్బండవర్గాల అభ్యున్నతికి పాటు పడుతున్నారని తెలిపారు. కేసీఆర్ ఆధ్వర్యంలో తెలంగాణా అభివృద్ధిలో దూసుకు పోతున్నదని ఆయన అన్నారు.ఆసరా పింఛన్లు మంజూరికానివారు నిరాశ చెందవద్దని అర్హులందరికీ ఇప్పిస్తామని తెలిపారు. ఈ కార్యక్రమంలో స్థానిక సర్పంచ్ కొమ్మినేని ఉపేందర్, పలువురు మండల తెరాస నాయకులు , ఆసరా పెన్షన్ లబ్ధిదారులు, తదితరులు పాల్గొనడం జరిగింది.