కొత్తగూడ ఆగస్టు 18 జనంసాక్షి:పోగొట్టుకున్న ఫోన్ దొరక పట్టిన పోలీసులు…గుండాల గ్రామానికి చెందిన ఇరుప పొట్టయ్య అనే వ్యక్తి ఇటీవల మహబూబాద్ జిల్లా కొత్తగూడ మండలంలోని కొత్తపల్లి గ్రామంలో వారి బంధువుల పెళ్లికి హాజరయ్యే క్రమంలో తన మొబైల్ ఫోన్ పోగొట్టుకోవడం జరిగినది.వెంటనే కొత్తగూడ పోలీస్ స్టేషన్ ఎస్ ఐ నగేష్ ని సంప్రదించగా వెంటనే స్పందించి మొబైల్ బాధితునికి ధైర్యం చెప్పి సెంట్రల్ ఎక్విప్మెంట్ ఐడెంటిటీ రిజిస్టర్ (సీఈఐఆర్) యాప్ ద్వారా తను పోగొట్టుకున్న మొబైల్ ఫోను కనిపెట్టడం జరిగింది.అట్టి మొబైల్ ను స్థానిక సిఐ ఫణిందర్ చేతుల మీదుగా బాధిత వ్యక్తికి అందజేయడం జరిగింది.ఎస్ ఐ నగేష్ ను స్థానిక సీఐ ఫణిందర్ అభినందించడం జరిగింది.అనంతరం గూడూరు సి ఐ ఫణిందర్ మాట్లాడుతూ మీ సెల్ ఫోన్ ను ఎవరైనా దొంగిలించారా…మీరే ఎక్కడైనా పోగొట్టుకున్నారా… ఏం దిగులు చెందాల్సిన పనిలేదు అని అన్నారు.వెంటనే పోలీస్ స్టేషన్లో కంప్లెంట్ చేస్తే సీఈఐఆర్ సిస్టమ్ ట్రాక్ చేసి మీ ఫోన్ ను దొరకబట్టి మీకు అందజేస్తామని అన్నారు.అనంతరం మొబైల్ బాధితుడు పొట్టయ్య మాట్లాడుతూ మొబైల్ పోయిందని బాధలో ఉండిపోయానని పోయిన మొబైల్ దొరుకుతుందని ఆశ లేదని…కానీ మొబైల్ పోయిందని పోలీస్ స్టేషన్లో ఫిర్యాదు చేయగానే వెంటనే స్పందించి నా మొబైల్ ను వెతికి నాకు అందజేయడం పట్ల చాలా సంతోషంగా ఉందని అన్నారు.పోలీసులకు ప్రత్యేక ధన్యవాదాలు తెలియజేయడం జరిగింది.