– జిల్లా పరిషత్‌ చైర్మన్‌ పుట్ట మధూకర్‌
– భట్టుపల్లిలో జాతీయ జెండాల పంపిణీ
జనంసాక్షి, మంథని : ప్రతి ఒక్కరు దేశభక్తిని చాటాలని, జాతీయ జెండాలను తమ ఇంటిపై ఎగురవేయాలని జిల్లా పరిషత్‌ చైర్మన్‌ , బీఆర్‌ఎస్‌ పార్టీ నియోజకవర్గ ఇంచార్జీ పుట్ట మధూకర్‌ అన్నారు. హర్ ఘర్‌ తిరంగా కార్యక్రమంలో బాగంగా సోమవారం మంథని మండలం భట్టుపల్లి గ్రామంలో జాతీయ జెండాలను పంపిణీ చేశారు. ఈ సందర్బంగా ఆయన మాట్లాడుతూ..
అజాది కా అమృత్ మహోత్సవంలో బాగంగా ఇంటింటికి జాతీయ జెండాలు అందజేయడం జరుగుతుందన్నారు. ప్రతి ఇంటిపై జాతీయ జెండాను ఎగురవేసి దేశభక్తిని చాటాల్సిన బాధ్యత అందరిపై ఉందన్నారు. నియోజక వర్గంలో ప్రతి ఒక్కరు తమ ఇంటిపై జాతీయ జెండా ఉంచుకొని దేశభక్తిని దేశ ఔన్నత్యాన్ని కాపాడాలని ఆయన ఈ సందర్బంగా కోరారు.