*ప్రమాదవశాత్తు బావిలో పడి మత్స్యకారుడు మృతి*

రేగొండ (జనం సాక్షి) : ప్రమాదవశాత్తు బావిలో పడి మత్స్యకారుడు మృతి చెందిన సంఘటన శనివారం రేగొండ మండలంలోనీ పోచంపల్లి గ్రామంలో చోటుచేసుకుంది. పోలీసులు మృతుని కుటుంబ సభ్యుల కథనం మేరకు వివరాలు ఇలా ఉన్నాయి. గ్రామానికి చెందిన బండి మల్లయ్య (55) ఉదయం 10 గంటలకు బావిలో చేప పిల్లలు పోసేందుకు వ్యవసాయ చేను వద్దకు వెళ్లాడు. బావిలో చేప పిల్లలు పోస్తున్న క్రమంలో ప్రమాదవశాత్తు కాలుజారి బావిలో పడ్డాడు. చేతిలో చేపల వల ఉండడంతో బావిలో పడ్డ మల్లయ్యకు వల చిక్కుకొని  మృతి చెందినట్లు ఎస్సై శ్రీకాంత్ రెడ్డి తెలిపారు. మృతుని భార్య రామ ఫిర్యాదు మేరకు కేసు నమోదు చేసినట్లు ఎస్సై తెలిపారు. మృతునికి కూతురు, కుమారుడు ఉన్నారు.