నల్గొండ బ్యూరో, జనం సాక్షి

  పాత (11) ఉమ్మడి జిల్లా కేంద్రాలలో షెడ్యూల్డ్ కులాల అభివృద్ధి శాఖ ఆధ్వర్యంలో నిర్వహించే పబ్లిక్ సర్వీస్ కమిషన్ గ్రూప్ పరీక్షలు,బ్యాంకింగ్,రైల్వే,ఎస్.ఎస్.సి పరీక్షల కు ( 5 ) మాసాల ఫౌండేషన్ శిక్షణ కొరకు  అక్టోబర్ 2 న ఆయా  జిల్లా కేంద్రాలలో నిర్వహించిన ప్రవేశ పరీక్ష  ఫలితాలను ఆదివారం( 15.10.2022) న తెలంగాణ రాష్ట్ర షెడ్యూల్డ్ కులాల స్టడీ సర్కిల్ డైరెక్టర్ శ్రీధర్, హైదరాబాద్ లో  విడుదల చేశారని ఎస్.సి.స్టడీ సర్కిల్ డైరెక్టర్ పడిదల నవీన్ కుమార్ ఒక ప్రకటన లో తెలిపారు. ఇట్టి పరీక్షా ఫలితాలు, శిక్షణ కొరకు ఎంపిక చేసినటువంటి అభ్యర్థుల వివరములు TSSC స్టడీ సర్కిల్ వెబ్సైటు లో ” www.tsstudycircle.co.in ” పొందు పరిచారని తెలిపారు. శిక్షణ కొరకు ఎంపికైన అభ్యర్థులు అన్నీ ఒరిజినల్ సర్టిఫికెట్ల తో ఈ నెల 19 నుండి 22.లోగా రిపోర్ట్ చేయాలని, శిక్షణా తరగతులు ఈ నెల 26 నుండి నుండి ప్రారంభించ నున్నట్లు ఆయన ప్రకటన లో తెలిపారు