సిద్దిపేట అర్బన్, అక్టోబరు 20(జనం సాక్షి): ఫైలేరియా వ్యాధి పట్ల ప్రజలు అప్రమత్తంగా ఉండాలని అర్బన్ మండల సర్పంచ్ ల ఫోరం కార్యదర్శి ఏన్సాన్పల్లి సర్పంచ్ రవీందర్ గౌడ్ అన్నారు. గురువారం సిద్దిపేట అర్బన్ మండలం ఏన్సాన్పల్లి ,పొన్నాల, మిట్టపల్లి గ్రామాలలో ఫైలేరియా వ్యాధి నివారణ మందులను పంపిణీ చేశారు. ఈ సందర్భంగా వైద్యాధికారులు టాబ్లెట్స్ వాడే విధానాన్ని ప్రజలకు వివరించారు. సూచనల ప్రకారం మందులు వాడుకొని తగిన జాగ్రత్తలు తీసుకోవాలని తెలిపారు. కార్యక్రమంలో ఎంపీటీసీ నాగుల స్రవంతి ప్రశాంత్, ఆయా గ్రామాల సర్పంచ్ లు, ప్రజా ప్రతినిధులు తదితరులు పాల్గొన్నారు.