బయ్యారం,ఆగష్టు11(జనం సాక్షి):
75 వ స్వాతంత్ర్య దినోత్సవ వజ్రోత్సవ వేడుకల సందర్భంగా ప్రధాని మోడీ పిలుపు మేరకు ఆజాది కా అమృత్యోత్సవ్ లో భాగంగా మహబూబాబాద్ జిల్లా బయ్యారం మండలంలో గురువారం గార్ల బయ్యారం సీఐ బాలాజీ,ఎస్సై రమాదేవి 2కే రన్ నిర్వహించారు.ఈ కార్యక్రమంలో బయ్యారం మండల విద్యార్థినీ విద్యార్థులు, ఆటో డ్రైవర్లు, అంగన్వాడీలు, ఆశా వర్కర్లు, పంచాయతీ సెక్రటరీలు, గ్రామ సర్పంచులు, యువతీ యువకులు, ప్రజా ప్రతినిధులు, బయ్యారం తహసిల్దార్ రమేష్ బాబు, ఎంపీడీవో చలపతిరావు, తాతా గణేష్ తిరుమల ప్రభాకర్ రెడ్డి బతిని రామ్మూర్తి, సంకు సత్తిరెడ్డి తదితరులు పాల్గొన్నారు. ఈ 2కే రన్ లో ప్రధమ,ద్వితీయ,తృతీయ విజేతలుగా రంజిత్,సాయి, మహేష్ అంజలిలు నిలిచారు. విజేతలకు బయ్యారం ఎస్సై చేతుల మీదుగా బహుమతులు అందజేశారు.