మునగాల, ఆగష్టు 9(జనంసాక్షి): మత సామరస్యానికి ప్రతీకగా నిలిచే మోహర్రం పండుగను మంగళవారం మండల ప్రజలు ఘనంగా జరుపుకుంటున్నారని
టిఆర్ఎస్ పార్టీ మండల మైనారిటీ సెల్ ప్రధాన కార్యదర్శి షేక్ దస్తగిరి అన్నారు. మండల పరిధిలోని బరాఖత్ గూడెం గ్రామంలో నిర్వహించిన మొహార్రం వేడుకలో పాల్గొని ప్రత్యేక ప్రార్థనలు చేశారు. ఈ సందర్భంగా దస్తగిరి మాట్లాడుతూ.. త్యాగానికి ప్రతీక మోహర్రం పండుగ అని అన్నారు. గ్రామీణ ప్రాంతాల్లో అత్యంత భక్తి శ్రద్దలతో హిందూ ముస్లింలు కులమతాలకు అతీతంగా మొహర్రం పండగ జరుపుకుంటారని తెలిపారు. ఈ కార్యక్రమంలో ముజావర్ లాల్ మహమ్మద్, టిఆర్ఎస్వీ నియోజకవర్గ అధ్యక్షుడు పాషా, ఇమాం వలి, కలాం, వలిమహమ్మద్, రఫీ, అన్వర్, భిక్షo, వీరస్వామి, నర్సయ్య, కాశిం తదితరులు పాల్గొన్నారు.