కరీంనగర్ సీపీ వి సత్యనారాయణ

సాధారణ పౌరులు , ప్రధానంగా మహిళలు ఎదుర్కొంటున్న ఇబ్బందులను దృష్టిలో ఉంచుకుని కరీంనగర్ కమీషనరేట్ పరిధిలో బహిరంగ ప్రదేశాల్లో మద్యం సేవించడంపై అమల్లో ఉన్న నిషేదాజ్ఞలను ఈ నెల 18 వరకు పొడిగించడం జరిగిందని కరీంనగర్ పోలీస్ కమీషనర్ వి సత్యనారాయణ ఒక ప్రకటనలో తెలిపారు . బహిరంగ ప్రదేశాల్లో మద్యం సేవించి మద్యం ప్రియులు పాల్పడుతున్న ఆగడాలపై పలు ఫిర్యాధులు వస్తున్న నేపథ్యంలో ఈ చర్యలు తీసుకోవడం జరిగిందని పేర్కొన్నారు . మద్యం సేవించి మద్యం ప్రియులు వీధుల్లో , రోడ్లపై అసభ్యపదజాలంతో మాట్లాడుతుడటం అన్ని వర్గాల ప్రజలకు ఇబ్బందిగా పరిణమించింది . మద్యంప్రియుల ఆగడాలకు కళ్ళెం వేయడంతోపాటు ప్రజల భద్రత , రక్షణ కోసం ఈ నిర్ణయం తీసుకోవడం జరిగింది . పరిస్థితుల ప్రభావం దృష్ట్యా ఈ కాల పరిమితి పొడిగించబడే అవకాశం ఉంది . ఐపిసి 188 , హైదరాబాద్ నగర పోలీసు చట్టం , ఫసలీ నిబంధనలనుసరించి నిషేదాజ్ఞలు ఉల్లఘించిన వారిపై చట్టపరమైన చర్యలు తీసుకోవడం జరుగుతుంది .

* డిజెలపై నిషేధాజ్ఞలు పొడగింపు

కరీంనగర్ కమీషనరేట్ పరిధిలో డిజె సౌండ్ వినియోగంపై అమల్లో ఉన్న నిషేదాజ్ఞలను ఈ నెల 18 వరకు పొడగించడం జరిగిందని పోలీస్ కమీషనర్ వి సత్యనారాయణ తెలిపారు . ఈ మేరకు ఉత్తర్వులు జారీ చేశారు . చిన్నపిల్లలు , వృద్ధులు , రోగులు , విద్యార్థుల విద్యాభ్యాసానికి భంగం కలుగకుండా శబ్దకాలుష్యం నుండి కాపాడేందుకు భారీ సౌండ్లతో కూడిన డిజె సౌండ్ వినియోగంపై నిషేదాజ్ఞలు విధించడం జరిగిందని పేర్కొన్నారు . వివిధ కార్యక్రమాల సందర్భంగా ప్రజల సమీకరణ , ప్రదర్శనల కోసం డిజె సౌండ్లను వినియోగిస్తున్న విషయం విదితమే . వివిధ కార్యక్రమాల నిర్వహణకు మైక్సెట్ వినియోగం తప్పనిసరి అనిపిస్తే సంబంధిత డివిజన్ ఎసిపిల అనుమతి పొందాలని సూచించారు . ఏ ఏ ప్రాంతాల్లో ఏమేరకు ఏ స్థాయిలో మైక్సెట్లు వినియోగించాలో పరిమితులున్నాయని పేర్కొన్నారు . కమీషనరేట్ పరిధిలో ఇప్పటి వరకు డిజెల వినియోగంపై యజమానులకు అవగాహన కల్పించడం జరిగిందని , పరిస్థితుల ప్రభావం దృష్ట్యా ఈ కాల పరిమితి పొడిగించబడే అవకాశం ఉంది . నిషేదాజ్ఞలు ఉల్లఘించే వారిపై ఐపిసి 188 , హైదరాబాద్ నగర పోలీసుచట్టం , ఫసలి నిబంధనలనుసరించి చట్టపరమైన చర్యలు తీసుకోవడం జరుగుతుంది.