క్షతగాత్రులకు మెరుగైన వైద్య సేవలు.
దైవదర్శనానికి వెళ్తున్న క్రమంలో ఇలాంటి దుర్ఘటన జరగడం దురదృష్టకరం.
జిల్లా గ్రంధాలయ సంస్థ చైర్మన్ రాజు గౌడ్.
తాండూరు అక్టోబర్ 23(జనంసాక్షి)వికారాబాద్ జిల్లా యాలాల మండలం జుంటుపల్లి గ్రామానికి చెందిన వారు శ్రీశైల క్షేత్ర దర్శనం కోసం వెళుతున్న క్రమంలో దురదృష్టవశాత్తు జరిగిన ప్రమాదంలో మరణించిగా, బాధిత కుటుంబాలను ఎమ్మెల్యే పైలెట్ రోహిత్ రెడ్డి సూచనల మేరకు జిల్లా గ్రంథాలయ సంస్థ చైర్మన్ రాజు గౌడ్ పరామర్శించి, ఆర్థిక సహాయం అందించి ఓదార్చారు. బాధిత కుటుంబ సభ్యులకు ప్రభుత్వం తరఫునుండి లభించే చేయూత ను త్వరితగతిన అందే విధంగా చూస్తామన్నారు. వారి కుటుంబంలో వాళ్ల కాళ్ల మీద వాళ్ళు నిలబడే విధంగా , విద్యార్థులకు చదువు విషయంలో పూర్తి సహకారాన్ని ఎమ్మెల్యే పైలెట్ రోహిత్ రెడ్డి అందించనున్నారన్నారు. క్షతగాత్రులకు మెరుగైన వైద్యాన్ని అందించే విధంగా ఎమ్మెల్యే హాస్పిటల్ సిబ్బందికి సూచించడం జరిగిందన్నారు. ఈ కార్యక్రమంలో మార్కెట్ కమిటీ వైస్ చైర్మన్ వెంకటరెడ్డి, తెరాస సీనియర్ నాయకులు హరిహర గౌడ్, సర్పంచ్ వెంకటరెడ్డి, ఎంపీటీసీ వెంకట్ రెడ్డి, గ్రామ సీనియర్ నాయకులు నారాయణ రెడ్డి తదితరులు ఉన్నారు.