తొర్రూర్ 26 జూలై (జనంసాక్షి )

ఈ రోజు కార్గిల్ విజయ్ దివాస్ సందర్భంగా బిజెపి తొర్రూరు శాఖ అధ్యక్షుడు పల్లె కుమార్ ఆధ్వర్యంలో స్థానిక బస్టాండ్ సెంటర్ వద్ద ఏర్పాటు చేసిన కార్గిల్ అమర జవాన్ల చిత్రపటానికి పూలమాలలు వేసి ఘనంగా నివాళులు అర్పించడం జరిగింది. ఈ సందర్భంగా బిజెపి రాష్ట్ర నాయకులు నియోజకవర్గ ఇన్చార్జి పెదగాని సోమయ్య, ఉమ్మడి వరంగల్ జిల్లా శిక్షణ తరగతుల కన్వీనర్ పాకనాటి దామోదర్ రెడ్డి లు సంయుక్తంగా మాట్లాడుతూ దాయాది పాకిస్థాన్ మనధేశం పైన దొంగచాటుగా దాడికి యత్నించి కార్గిల్ యుద్ధం తో చిత్తు చిత్తుగా ఓడిపోయింది అని తెలిపారు.ఈకార్గిల్ యుద్ధం లో మన ధేశ సైనికులు వీరోచితంగా పోరాడి ఎన్ని ప్రతికూల పరిస్థితులు ఎదురైనా ఎదుర్కొని కార్గిల్ కొండల్లో భారత త్రివర్ణ పతాకాన్ని సగౌరవంగా ఎగురవేసి భారత శౌర్య ప్రతాపాన్ని మరోసారి ప్రపంచానికి చాటి చెప్పారని తెలిపారు.అప్పటి భారత ప్రధాని వాజ్ పాయ్ గారు సైన్యానికి పూర్తి సహాయ సహకారాలు అందజేసి పాకిస్థాన్ మరియు వారి తొత్తులకు గట్టి హెఛ్చరికలు చేసి పాక్ సైన్యాన్ని తరిమి తరిమి కొట్టారు అని తెలిపారు. కార్గిల్ అమర జవాన్ల త్యాగం చరిత్రలో చిరస్థాయిగా నిలిచిపోతుంది అని తెలిపారు. ఈ కార్యక్రమంలో బిజెపి రాష్ట్ర, జిల్లా నాయకులు పరుపాటి రాం మోహన్ రెడ్డి, రచ్చ కుమార్,బొచ్చు సురేష్,అలిసేరి రవిబాబు, మంగళపళ్ళి యాకయ్య, పైండ్ల రాజేష్, రాయపురం రాజకుమార్,నడిగడ్డ ఉపేందర్, జలగం రవి,గట్ల భరత్, నూకల నవీన్,గంధం రాజు, కొమ్ము రాము, సుబ్రహ్మణ్యం,నడిగడ్డ సందీప్,వడ్లకొండ రవి,బూర్గు నవీన్ తదితరులు పాల్గొన్నారు.