కోటగిరి అక్టోబర్ 7 జనం సాక్షి:-కోటగిరి మండలం కల్లూర్ గ్రామంలో బీరప్ప ఆలయ నిర్మాణానికి బాన్సువాడ నియోజక వర్గ తెరాస పార్టీ ఇంచార్జీ పోచారం సురేందర్ రెడ్డి శుక్రవారం భూమి పూజ చేశారు.కుర్మ సంఘం వారి ఆరాధ్య దైవం అయిన బీరప్ప స్వామి మందిర నిర్మాణానికి తెలంగాణ రాష్ట్ర శాసన సభాపతి పోచారం శ్రీనివాస రెడ్డి గ్రామానికి రూ.12 లక్షలు మంజూరు చేయడం సంతోషకరమైన విషయమని ఈ సందర్భంగా పోచారం సురేందర్ రెడ్డి పేర్కొన్నారు.అనంతరం కూర్మ సంఘం సభ్యులు పోచారం సురేందర్ రెడ్డినీ శాలువతో సత్కరించి దసరా శుభాకాంక్షలు తెలియజేశారు.ఈ కార్యక్రమంలో స్థానిక సర్పంచ్ లక్ష్మి,ఎంపీటీసీ సుజాత,లింగాపూర్ సర్పంచ్ హన్మంతు,జిల్లా కో ఆప్షన్ సభ్యులు సిరాజ్,వైస్ ఎంపీపీ గంగాధర్ పటేల్,ఎజాస్ ఖాన్,కొల్లూరు కిషోర్,వల్లేపల్లి శ్రీనివాస్,అరవింద్,కూర్మ సంఘం ప్రతినిధులు,సీనియర్ నాయకులు,కార్యకర్తలు తదితరులు పాల్గొన్నారు.