నాగార్జునసాగర్ (నందికొండ),జూలై 21(జనం సాక్షి); నాగార్జునసాగర్ లో తెలంగాణ పర్యాటక అభివృద్ధి సంస్థ ఎంతో ప్రతిష్టాత్మకంగా నిర్మించిన బుద్ధవనం ప్రాజెక్టును గురువారం నాడు పుణేకు చెందిన సావిత్రిబాయి పూలే యూనివర్సిటీ ప్రొఫెసర్ మహేష్ అశోక్ డియోకార్ కుటుంబ సమేతంగా సందర్శించారు. దీనిలో భాగంగా బుద్ధవరం ప్రాజెక్టులోని బుద్ధుని పాదాలవద్ద పుష్పాంజలి ఘటించిన అనంతరం బుద్ధ చరిత వనం,జాతక వనం,మహాస్తూపాన్ని సందర్శించారు. ఈ సందర్భంగా ఆయన మాట్లాడుతూ బౌద్ధ అభిమానులకు బుద్ధుని గురించి తెలుసుకోవాలనే వారికి బుద్ధ వనం ప్రాజెక్టు ఎంతగానో ఉపయోగపడుతుందని అన్నారు.