మల్కాజిగిరి.జనంసాక్షి.జూలై 13
బోనాల పండుగ సందర్భంగా భక్తులకు ఎటువంటి అసౌకర్యం కలుగకుండా అన్ని జాగ్రత్తలు తీసుకుంటామని రాచకొండ కమిషనర్ డిఎస్ చౌహాన్ అన్నారు.గురువారం ఓల్డ్ మల్కాజిగిరి మహంకాళి అమ్మవారి గుడి,సఫీల్ గూడ కట్టమైసమ్మ గుడిని పోలీసు అధికారుల తో కలిసి పరిశీలించి అధికారులకు పలు సూచనలు చేశారు.ఈ సందర్భంగా ఆయన మాట్లాడుతూ.సాధారణ భక్తులకు ఎటువంటి ఇబ్బందులు లేకుండా జాగ్రత్తలు తీసుకుంటున్నట్లు ఆయన తెలిపారు.మహిళా భక్తులు, పిల్లలు,వృద్ధుల కోసం ప్రత్యేక జాగ్రత్తలు తీసుకుంటున్నట్లు పేర్కొన్నారు. ఆలయ ఆవరణలో వాహనాలను క్రమ పద్ధతిలో పార్కింగ్ చేయడానికి తగు ఏర్పాట్లు చేయాలని అధికారులకు సూచించారు.షీటీం బృందాలు కూడా మహిళా భక్తుల రక్షణ కోసం విధుల్లో ఉంటారని పేర్కొన్నారు.భక్తులు పోలీసు వారికి సహకరించాలని,సంతోషంగా బోనాల పండుగ జరుపుకోవాలని ఆకాక్షించారు.అనంతరం ఆలయ కమిటీ సభ్యులు కమిషనర్ను సత్కరించారు.ఈకార్యక్రమంలోమల్కాజిగిరి డీసిపి.జానకి,మల్కాజిగిరి ఏసిపి నరేష్ రెడ్డి,కుషాయిగూడ ఏసిపి వెంకట్ రెడ్డి,నేరెడ్ మేట్,మల్కాజిగిరి సిఐలు ఆలయ అర్చకులు,కమిటీ సభ్యులు పాల్గొన్నారు.