కంటోన్మెంట్ జనం సాక్షి జూలై 24 బోనాల పండుగ సందర్భంగా కంటోన్మెంట్ నియోజకవర్గం పరిధిలోని బొల్లారం,డౌటన్ బజారు,బాలంరాయి, అడ్డగుట్టలోని పలు ఆలయాల వద్ద నిర్వహించిన తొట్టెల మరియు ఫలహారం బండ్లు ఊరేగింపులో పాల్గొన్న బీఆర్ఎస్ సీనియర్ నాయకులు శ్రీ గణేష్ ఈ సందర్బంగా పలు ఆలయాల వద్ద డప్పు, దరువుల మధ్య పోతరాజు విన్యాసాలతో ఘనంగా సాగిన ఊరేగింపులో స్థానిక ప్రజలతో శ్రీ గణేష్ కలిసి సంతోషంగా పాల్గొన్నారు.
ప్రత్యేక పూజలు నిర్వహించిన శ్రీ గణేష్
బోనాల పండుగ సందర్భంగా సికింద్రాబాద్ కంటోన్మెంట్ నియోజకవర్గంలో బాలంరాయ్ శ్రీ దండు మారమ్మ ఆలయం,సీతాల పోచమ్మ,అంబేద్కర్ నగర్ లోని శ్రీ నల్ల పోచమ్మఅమ్మవార్లని దర్శించుకుని ప్రత్యేక పూజలు నిర్వహించిన బిఆర్ఎస్ సీనియర్ నాయకులు శ్రీ గణేష్ అమ్మవారి ఆశీస్సులు అందరిపై ఉండాలని ఈ సందర్భంగా ఆయన ఆకాంక్షించారు. అనంతరం అంబేద్కర్ నగర్ లో గంగపుత్ర సంఘం ఆధ్వర్యంలో నిర్వహించిన సాంప్రదాయ జల పందిరి ఊరేగింపు కార్యక్రమంలో ముఖ్యఅతిథిగా పాల్గొన్నారు. గంగపుత్రులు ధైర్య,సాహసాలకు ప్రతీక అని, గంగపుత్రుల సాంప్రదాయ బోనాలకు చాలా ప్రాముఖ్యత ఉందని అన్నారు.ఈ సందర్భంగా గంగపుత్ర సంఘం వారు శ్రీగణేష్ ని ఘనంగా సన్మానించారు. ఈ కార్యక్రమంలో రాములు, కృష్ణ, గణేష్, ప్రవీణ్,కుమార్ తదితరులు పాల్గొన్నారు.