వరంగల్ ఈస్ట్, ఆగస్టు 31 (జనం సాక్షి) వరంగల్ నగరంలోని చారిత్రక శ్రీ భద్రకాళి దేవాలయంలో గురువారం పవిత్రోత్సవాలను వైభవంగా నిర్వహించారు. ఈ సందర్భంగా అమ్మవారికి వివిధ రకాల నైవేద్యాలు సమర్పించారు. ఆలయ ప్రధాన అర్చకులు భద్రకాళి శేషు పూజా కార్యక్రమాలను ఘనంగా నిర్వహించారు. ఈవో శేషు భారతి భక్తులకు అన్ని రకాల ఏర్పాట్లు చేశారు. జిల్లా వ్యాప్తంగా వచ్చిన భక్తులు అమ్మవారిని దర్శించుకుని పూజలు నిర్వహించారు.