చౌడాపూర్, ఆగస్టు 13( జనం సాక్షి): వికారాబాద్ జిల్లా చౌడాపూర్ మండల కేంద్రం పరిధిలోని మందిపల్ గ్రామంలో 75వ భారత స్వాతంత్ర వజ్రోత్సవాలలో భాగంగా గ్రామ ప్రజలు,యువజన సంఘాలు నాయకులు మరియు పార్టీలకతీతంగా ప్రతి ఒక్కరూ పాల్గొని ఫ్రీడమ్ ర్యాలీ ఘనంగా నిర్వహించడం జరిగింది. ఈ కార్యక్రమాన్ని గ్రామ సర్పంచ్ మఠం ప్రమీల చంద్రశేఖర్ జెండా ఉపి ప్రారంభించి జాతీయ నినాదాలతో వాడ వాడలలో హోరెతించారు. ఈ కార్యక్రమంలో టిఆర్ఎస్ యువ నాయకులు మఠం రాజశేఖర్,వార్డు మెంబర్ లతా,యాదయ్య, కేశవులు, సీసీ బాలరాజ్,ఐకెపి సిబ్బంది లత,సత్యవతి, గ్రామ తెరాస అధ్యక్షులు కావలి చెన్నయ్య, గ్రామ యువకులు, పెద్దలు మహిళా సంఘాల సభ్యులు మరియు గ్రామపంచాయతీ సిబ్బంది తదితరులు పాల్గొన్నారు.