కోటగిరి సెప్టెంబర్ 18 జనం సాక్షి:- జీవితంపై విరక్తి చెంది నీటి కుంటలోకి దూకి ఆత్మహత్యకు పాల్బడిన సంఘటన కోటగిరి మండల కేంద్రంలో ఆదివారం చోటు చేసుకుంది.వివరాల్లోకి వెళితే. కోటగిరిలోని మీదిగల్లికి చెందిన గొల్ల ఉల్లప్ప వయసు 28 అనే వ్యక్తి గొర్ల కాపరి.ఈ క్రమంలో జీవితంపై విరక్తి చెంది మండల కేంద్రంలోనీ పాల్టెక్నిక్ కాలేజ్కి ఎదురుగా ఉన్న నీటి గుంతలోకి దూకి ఆత్మహత్య పాల్పడ్డాడు. స్థానికులు తెలిపిన వివరాల ప్రకారం గొల్ల ఉల్లప్పా తన వొంటిపై ఉన్న బట్టలు,చెప్పులను పాల్టెక్నిక్ కాలేజ్ కి ఎదురుగా ఉన్న నీటి కుంట వద్ద ఉంచి కుంటలోకి దూకాడు.

అటువైపుగా పని చేస్తున్న మైనారిటీ రెసిడెన్షియల్ భవన నిర్మాణ కార్మికులు నీటి గుంతలో కొనా ఊపిరితో కొట్టుమిట్టాడుతున్న అతనిని చూస్తూ వుండగానే నీటిలో మునిగి పోయాడని స్థానికంగా చూసిన వారు తెలిపారు.వెంటనే వారు స్థానిక పోలీస్ స్టేషన్కి ఫోన్ చేసి సమాచారం అందజేశారు.వెంటనే సంఘటన స్థలానికి పోలీసులు చేరుకుని గజ ఈతగాల్లతో గంట పాటుగా కుంటను గాలించి చివరకు మృతుని వెలికి తీశారు.తదనంతరం పోలీసులు కేసు నమోదు చేసుకొని మృత దేహాన్ని బోధన్ ప్రభుత్వ ఆసుపత్రికి పోస్ట్ మార్టం నిమిత్తం తరలించారు.