పెగడపల్లి  మండలం లోని బతికేపల్లి గ్రామం లో బీజేపీ రాష్ట్ర మహిళ మొర్చా కార్యవర్గ సభ్యురాలు,ఎంపీటీసీ1 చింతకింది అనసూర్య వారి భర్త చింతకింది సత్యనారయణ స్మారకార్ధం వేములవాడ పట్టణానికి చెందిన వర్ష కంటి ఆసుపత్రి వారి అధ్వర్యంలో గ్రామం లో ఉచిత కంటి వైద్య శిబిరం ఏర్పాటు చేశారు. ఇందులో భాగంగా గ్రామం లోని వృద్దులు, పాఠశాల విద్యార్థులకు కంటి పరీక్షలు చేసి అవసరమైన మందులు ఉచితంగా అందించారు. అద్దాలు అవసరం అయిన వారికి అద్దాలు అందించారు. ఈ శిబిరం లో మూడు వందల మందికి పైగా కంటి పరీక్షలు చేశారు. అనంతరం డాక్టర్ శివ మాట్లాడుతూ అందరికీ సాధారణంగా కంటి చూపు సమస్యలు వస్తుంటాయి అని అలాంటి వారికి ఉన్న చోటనే పరీక్షలు నిర్వహించి అవసరం అయిన మందులు ఇప్పించేందుకు ఉచిత వైద్య శిబిరం ఏర్పాటు చేసిన ఎంపీటీసీ ని అభినందించారు. ఇట్టి వైద్య శిబిరం లో ఎంపీటీసీ1 చింతకింది అనసూర్య, నిర్వాహకులు చింతకింది కిరణ్, కిషోర్, రఘు, డాక్టర్ ప్రదీప్ తో పాటు వైద్య సహాయక సిబ్బంది నాగేందర్, గ్రామస్థులు పాల్గొన్నారు.