కరీంనగర్
స్థానిక మంకమ్మ తోట, భగత్ నగర్ లోని సిద్ధార్థ ఇంగ్లీష్ మీడియం స్కూల్ లో శ్రీ కృష్ణ జన్మాష్టమి వేడుకలు ఘనంగా నిర్వహించారు. చిన్ని కృష్ణ, యశోద, గోపికలు, గొల్లభామలు, నారదుడు, కంసుడు తో పాటు పలు రూపాల్లో చిన్నారుల వేషధారణలు చూపరులను మంత్రముగ్ధుల్ని చేసింది. ఈ సందర్భంగా సిద్ధార్థ అకాడమీ డైరెక్టర్ దాసరి శ్రీపాల్ రెడ్డి మాట్లాడుతూ ప్రస్తుతం పాశ్చాత్య పోకడలతో భారత సంస్కృతికి విఘాతం కలుగుతుందని అన్నారు. శ్రీ కృష్ణ జన్మాష్టమి లాంటి ఆధ్యాత్మిక వేడుకలు భక్తి భావాన్ని పెంచి భావి తరాలకు మార్గదర్శకం గా ఉంటుందని పేర్కొన్నారు. తల్లిదండ్రులు పిల్లలకు చిన్నతనం నుండే సంస్కృతి, సంప్రదాయాలు, ఇతిహాసాలు, పురాణాలు చెప్పడం ద్వారా సృజనాత్మకత పెరిగి ఉన్నత శిఖరాలకు చేరుకుంటారని అభిప్రాయపడ్డారు. చిన్ని కృష్ణల సందడి, గోపికల కోలాటాలతో ప్రాంగణం మార్మోగింది. ఉత్తమ వేషధారణతో ఆకట్టుకున్న చిన్నారులకు శ్రీపాల్ రెడ్డి బహుమతులు ప్రధానం చేశారు. ఈ కార్యక్రమంలో ఉపాధ్యాయులు, విద్యార్థుల తల్లిదండ్రులు, విద్యార్థులు పాల్గొన్నా