మాజీ మంత్రి ముత్యంరెడ్డి వర్ధంతి సందర్భంగా ఘనంగా నివాళులర్పిస్తున్న కాంగ్రెస్ నాయకులు.

దౌల్తాబాద్ సెప్టెంబర్ 2, జనం సాక్షి.

 మండల కేంద్రమైన దౌల్తాబాద్ శివాజీ చౌరస్తా వద్ద శుక్రవారం మాజీ మంత్రి చెరుకు ముత్యం రెడ్డి మూడవ వర్ధంతి, మాజీ ముఖ్యమంత్రి వైయస్ రాజశేఖర్ రెడ్డిల చిత్రపటానికి పూలమాల వేసి నివాళులు ఆర్పించారు. ఈ సందర్భంగా దౌల్తాబాద్ మండల కాంగ్రెస్ పార్టీ అధ్యక్షుడు దశరథ రెడ్డి మాట్లాడుతూ దుబ్బాక నియోజకవర్గం అభివృద్ధి బాటలో నడిచింది అంటే మాజీ మంత్రి చెరుకు ముత్యంరెడ్డి హాయంలోనే జరిగిందని చెక్ డ్యాములు, హాస్టల్లు, స్కూల్, రోడ్లు ఏ అభివృద్ధి జరిగినా కాంగ్రెస్ ప్రభుత్వ హాయంలోనే జరిగిందని తెలిపారు. తెరాస ప్రభుత్వం లో ఎలాంటి అభివృద్ధికి నోచుకోలేదని తెలిపారు. ఈ కార్యక్రమంలో మాజీ ఎంపీటీసీల ఫోరం మండల అధ్యక్షులు రాములు, మాజీ ఎంపీటీసీ స్వామి, మాజీ సర్పంచ్ ఆది వేణుగోపాల్, ఎస్సీ సెల్ కన్వీనర్ బండారు లాలు, మైనార్టీ సెల్ అధ్యక్షులు ఎండి కాసిం, నాయకులు ప్రవీణ్ తదితరులు పాల్గొన్నారు.