మా వార్డుపై అంత కక్ష ఎందుకు-అభివృద్ధికి ఆమడదూరంలో 4వవార్డు
-బురదలో కూర్చుని వార్డు సభ్యుని నిరసన
మహబూబాబాద్ బ్యూరో-జూలై23(జనంసాక్షి)
నెల్లికుదురు మండలంలోని శ్రీరామగిరి 4వ అభివృద్ధికి నోచుకోలేకపోతుందని వార్డు సభ్యుడు మాదరి ప్రశాంత్ ఆవేదన వ్యక్తంచేశారు. గ్రామ సర్పంచ్, కార్యదర్శి వార్డు సమస్యలపై ఎన్నిసార్లు తెలిపినా పట్టనట్టే ఉంటూ వార్డు ప్రజలను ఇబ్బందులకు గురిచేస్తున్నారని, రోజులతరబడి కురుస్తున్న వర్షాల కారణంగా వార్డులో రోడ్డులన్ని నీటితో మునిగి బురధమయమయ్యాయని వర్షపు నీటిలో కరెంటు స్తంభాలు ఉండడంవల్ల కరెంటు షాక్ వచ్చే అవకాశాలు ఎక్కువగా ఉన్నాయని తెలిపినా సర్పంచ్,కార్యదర్శి పట్టనట్టే ఉంటూ ప్రజలను ఇబ్బందులకు గురిచేస్తున్నారంటూ బురదనీటిలో కూర్చుని నిరసన వ్యక్తం చేశారు. అధికారుల చొరవతో వార్డును సందర్శించి సమస్యల పరిష్కారానికి కృషి చేయాలని ప్రశాంత్ కోరారు. ఈ నిరసనలో వార్డు ప్రజలు కారం వెంకన్న, గొడిశాల ముకేశ్, గాజుల మల్లమ్మ, దుడ్రా అభిలాష్, గొడిశాల సంధ్య తదితరులు పాల్గొన్నారు.
Attachments area
