నెన్నెల, అక్టోబర్14, (జనంసాక్షి)
మునుగోడు ఉప ఎన్నికల్లో నెన్నెల మండల టీఆరెస్ నాయకులు విస్తృత ప్రచారం చేస్తున్నారు. టీఆరెస్ అభ్యర్థి కుసుకుంట్ల ప్రభాకర్ రెడ్డి విజయమే లక్ష్యంగా బెల్లంపల్లి ఎమ్మెల్యే దుర్గం చిన్నయ్య ఆధ్వర్యంలో మునుగోడు నియోజకవర్గం గట్టుపల్ మండలం తేరాట్ పల్లి గ్రామంలో ఎన్నికల ప్రచారం నిర్వహిస్తున్నారు. ముఖ్యమంత్రి కేసీఆర్ సంక్షేమ పథకాలు అమలును క్షేత్ర స్థాయిలో తీసుకెళ్లి టీఆరెస్ పార్టీ ప్రజలకు ఏవిధంగా అవసరమో గడపగడపకు తిరిగి అవగాహన పరుస్తున్నారు. ఏ ఎన్నిక వచ్చినా టీఆరెస్ పార్టీదే విజయమని, మునుగోడు మరింత అభివృద్ధి చెందాలంటే టీఆరెస్ కు ఓటు వేయాలని అభ్యరిస్తున్నారు. ఈకార్యక్రమంలో మండల టీఆరెస్ పార్టీ అధ్యక్షుడు పంజాల విద్యా సాగర్ గౌడ్, నాయకులు గడ్డం బీమా గౌడ్, సింగతి రాం చందర్, సంతోషం ప్రతాప్ రెడ్డి, ఆత్మ చైర్మన్ సున్నం రాజు, ఇతర నాయకులు పాల్గొన్నారు.