టేకులపల్లి, అక్టోబర్ 14 (జనం సాక్షి): విజయవాడలో నేడు జరిగే కమ్యూనిస్టు పార్టీ ( సిపిఐ) జాతీయ మహాసభకు టేకులపల్లి మండలం నుండి శుక్రవారం ఉదయం సిపిఐ పార్టీ ఏర్పాటుచేసిన ఆర్టీసీ బస్సులలో ఎర్రదండు సైన్యం సిపిఐ జిల్లా కౌన్సిల్ సభ్యులు గుగులోతు రామచందర్ ఆధ్వర్యంలో భారీగా కదిలారు. భారత కమ్యూనిస్టు పార్టీ సిపిఐ సమితి ఆధ్వరంలో ఆంధ్ర ప్రదేశ్ రాష్ట్రంలోని విజయవాడ పట్టణంలో 24వ జాతీయ మహాసభలకు ఆర్టీసీ బస్సు ద్వారా పార్టీ ముఖ్య నాయకులు,పార్టీ కార్యకర్తలు, మహిళ నాయకురాలు, ప్రజాసంఘాల బాధ్యులు కలిసి భారీగా బయలుదేరారు. ఈ సందర్భంగా సిపిఐ పార్టీ జెండాను ఊపిన సిపిఐ పార్టీ జిల్లా కౌన్సిల్ సభ్యుడు గూగులోతు రామ్ చందర్ మాట్లాడుతూ కార్పొరేట్ శక్తులపై సమర శంఖం పూరిస్తామని, ఎర్ర దండు ఎర్రసైన్యం ద్వారానే సాధ్యమనిఅన్నారు.మండల కేంద్రంలో సిపిఐ పార్టీ శ్రేణులంతా కదులుతూ కార్యకర్తలు నినాదాలు చేస్తూ ఈరోజు ఉదయం 9. 55 నిమిషాలకు విజయవాడలో జరుగు మహా ప్రదర్శన బహిరంగ సభకు వెళ్లారు. ఊరు ఊరు వాడ వాడ నుంచి బస్సుల ద్వారా, ఇతర వాహనాల ద్వారా తరలి వెళ్లడం జరుగుతుందన్నారు. ఎర్ర ప్రవాహం నినాదాల తో హోరు ఎత్తిస్తూ ఎర్ర జెండా రెపరెపలు భుజం భుజం కలుపుతూ నినాదాలతో సిపిఐ బహిరంగ సభకు టేకులపల్లి మండలం నుండి బయలుదేరి వెళ్లారు. మండలం పార్టీ నాయకులు ఏజ్. భాస్కర్, గూగుల్లోతు శ్రీను,వాసం భద్రయ్య, అయిత శ్రీరాములు, బానోతు వీరన్న, బండి వీరభద్రం, కర్లపూడి సుందర్ పాల్, టి. లక్ష్మణ్, రవీందర్,మధు,సతీష్,నరేష్, కన్నయ్య,చందర్, సమ్మయ్య, సుభాష్,జయమ్మ,భారతి,చింత అరుణ, సమ్మక్క, లాలమ్మ,నాగమణి,విజ్జి రాజు తదితరులు పాల్గొన్నారు.