*నాగారంలో కరెంటు కాటుకు యువ రైతు బలి!
_________
లింగంపేట్ 15 ఆగస్టు (జనంసాక్షి)
పడగవిప్పిన కరెంటు రక్కసికి యువ రైతులు పిట్టల్లా రాలిపోతున్నారు.గత నెల వ్యవధిలోనే ఇద్దరు యువ రైతులు విద్యుదాఘాతానికి బలైన సంఘటన లింగంపేట్ మండలంలో చోటుచేసుకుంది.నల్లమడుగు గ్రామానికి చెందిన కొండ రాజులు అనే యువ రైతు వ్యవసాయ పొలం ట్రాన్స్ఫర్ దెగ్గర,బాణాపూర్ గ్రామానికి చెందిన నరేష్ అనే యువ రైతు వ్యవసాయ పొలం వద్ద కరెంటు వైర్లు తగిలి మృతి చెందారు. ఆ విషయం మరువకముందే సోమవారం లింగంపేట్ మండలంలోని నాగారం గ్రామానికి చెందిన చింతకుంట శ్రీనివాస్ 40 అనే మరో యువ రైతు కరెంటు కాటుకు బలయ్యారు.గ్రాస్తులు తెలిపిన వివరాలు ఈ విధంగా ఉన్నాయి.సోమవారం ప్రతి రోజులాగే శ్రీను ఉదయం పశువులను మేతకు తీసుకెళ్లాడని మధ్యాహ్నం 3 గంటలకు ఊరి చివరలో ఉన్న కోళ్ల ఫారం పరిసర ప్రాంతంలో ప్రదవశాత్తు విద్యుత్ వైరు తగిలి శ్రీను అక్కడి కక్కడే మృతి చెందాడని గ్రామస్తులు తెలిపారు.మృతునికి భార్య సావిత్రి పిల్లలు ఉన్నారని తెలిపారు.శ్రీను మృతితో నాగారం గ్రామంలో విషాద ఛాయలు నెలకొన్నాయి.