దౌల్తాబాద్ సెప్టెంబర్ 2, జనం సాక్షి.

రాష్ట్రస్థాయి సేపక్ తక్రా పోటీలకు మండల పరిధిలోని లింగరాజు పల్లి ఎం జె పి గురుకుల విద్యార్థులు ఎంపికైనట్లు ప్రిన్సిపాల్ శోభారాణి పిడి వెంకట్రాంరెడ్డి తెలిపారు. సిద్దిపేట జిల్లా అసోసియేషన్ ఆధ్వర్యంలో గజ్వేల్ లో జరిగిన పోటీలలో ఇద్దరు క్రీడాకారులు సబ్ జూనియర్ విభాగంలో వి యశ్వంత్, సీనియర్ విభాగంలో వంశీ, మంచి ప్రతిభ కనబరిచి రాష్ట్రస్థాయికి ఎంపికైనారు. హైదరాబాదులోని విక్టరీ ప్లే గ్రౌండ్ లో జరిగే రాష్ట్రస్థాయి పోటీలలో యశ్వంత్, వంశీ పాల్గొంటారని పేర్కొన్నారు. ఎంపికైన విద్యార్థులను కళాశాల ప్రిన్సిపాల్ శోభారాణి, పిడి వెంకట్రాంరెడ్డి,పాఠశాల పీఈటీలు అభినందించారు.