కోటగిరి ఆగస్టు 25 జనం సాక్షి:-బాన్సువాడ నియోజక వర్గం కోటగిరి మండలంలోని మైనారిటీ రెసిడెన్షియల్ జూనియర్ కళాశాలలో విద్యాభ్యాసం చేసిన కొత్తపల్లి గ్రామానికి చెందిన రేహన్ మెదక్ జిల్లాలో నిర్వహించిన రాష్ట్ర స్థాయి డిస్క్ త్రో పోటీలో సిల్వర్ మెడల్ సాధించారని కళాశాల ప్రిన్సిపాల్ యం.డీ మొహినుద్దీన్ తెలిపారు.ఈ సందర్భంగా కళాశాల ప్రిన్సిపల్ మాట్లాడుతూ రాష్ట్ర స్థాయి డిస్క్ త్రో పోటీలో కోటగిరి మండల టి.యం.అర్.జే.సి లో ఎంపీసీ విభాగానికి చెందిన రెహాన్ సిల్వర్ మెడల్ సాధించడం పట్ల తమ కళాశాలకు ఎంతో గర్వకారణమని అన్నారు.ఇట్టి అపురూప ఘనత సాధించిన రేహాన్ కి కళాశాల సిబ్బంది,మండల ప్రజానీకం తరుపున వారికి అభినందనలు తెలిపారు.