బిచ్కుంద అక్టోబర్ 2 (జనంసాక్షి) గాంధీ జయంతి సందర్భంగా బిచ్కుంద మండలంలో గల శాంతాపూర్ గ్రామంలో రిలయన్స్ ఫౌండేషన్ మరియు గ్రామ పంచాయతీ ఆధ్వర్యంలో గాంధీ జయంతి కార్యక్రమం నిర్వహించారు. ఆయన చిత్రపటానికి పూలమాల వేసి ఘనంగా నివాళులు అర్పించారు. అనంతరం గ్రామ సభ నిర్వహించి గ్రామంలో వివిధ అభివృద్ధి కార్యక్రమాలు, పర్యావరణ అనుకూల పద్ధతులు మరియు స్వచ్ఛతాహి సేవ కార్యక్రమంలో భాగంగా చేపట్టవలసిన కార్యక్రమాలను వివరించడం జరిగింది. ఈ కార్యక్రమంలో గ్రామ సర్పంచ్ వెంకట్ రెడ్డి, ఉప సర్పంచ్ రఫిక్, ఎంపీటీసీ చంద్రకళ, గ్రామస్తులు మరియు ఫెసిలిటేటర్ ముకుందర్ తదితరులు పాల్గొన్నారు.