ఒకరు మృతి, ముగ్గురికి గాయాలు

లింగాల జనం సాక్షి ప్రతినిధి:

రోడ్డు ప్రమాదంలో ఒకరు మృతి చెందగా ముగ్గురికి గాయాలైన సంఘటన బుధవారం చోటు చేసుకుంది. వివరాల్లోకి వెళితే నాగర్ కర్నూలు జిల్లాలోని లింగాల మండలం రాంపూర్ స్టేజి దగ్గర లింగాల నుండి తెలకపల్లి వైపు వెళ్తున్న TS 29 G 6063 నెంబర్ గల కారు రాంపూర్ గ్రామానికి చెందిన ఎల్లి కంటి తిరుపతయ్య . దొండల బాల చంద్రయ్య ఇద్దరు ఎఫ్ జెడ్ బైకుపై జంగమునిపల్లి గ్రామం కొట్టే శివ డబ్బా దగ్గరినుండి తిరుగు రాంపూర్ గ్రామానికి వెళ్తుండగా రాంపూర్ స్టేజి దగ్గర రహదారి దాటుతుండగా కారు బైకును ఢీ కొట్టడంతో అక్కడికక్కడే రాంపూర్ గ్రామానికి చెందిన ఎల్లి కంటి తిరుపతయ్య (30) మృతి చెందాడు.దొండల బాల చంద్రయ్య కు కాలు విరిగింది. వీరి ఢీ కొట్టిన కారు తెలకపల్లి వైపునుండి బాకారం గ్రామానికి వస్తుండగా అదే సమయంలో అదే కారు ఆంజనేయులు బాలపేరు ను ఢీకొట్టింది . అక్కడే ఆ ఇద్దరికీ కూడా తీవ్ర గాయాలయ్యాయి. రెండు బైకులు నుజ్జు నుజ్జు అయ్యాయి . కారుకు బెలూన్ ఓపెన్ కావడంతో అందులో ఉన్న వారు క్షేమంగా బయట పడ్డారు. మృతి చెందిన తిరుపతయ్య మృతదేహాన్ని ఆటోలో అచ్చంపేట ప్రభుత్వ ఆసుపత్రికి తరలించారు. తీవ్ర గాయాలైన ముగ్గురికి మహబూబ్నగర్ ఆస్పత్రికి తరలించారు. సంఘటన స్థలానికి ఎస్ఐ రవి చేరుకొని తీవ్రగాయాలైన వారిని ఆసుపత్రికి ప్రైవేటు వాహనంలో తరలించారు. సంఘటన స్థలం దగ్గర మృతి చెందిన తిరుపతయ్య మృతదేహాన్ని అచ్చంపేట ఆస్పత్రికి తరలించారు. బాధితుల ఫిర్యాదు మేరకు కేసు నమోదు చేసి దర్యాప్తు చేపడుతున్నాట్లు లింగాల ఎస్ఐ రవి తెలిపారు. మృతుడికి భార్య ఇద్దరు పిల్లలు కలరు.