వరంగల్ ఈస్ట్, ఆగస్టు 11 (జనం సాక్షి)వరంగల్ తూర్పు నియోజకవర్గం లోని అండర్ రైల్వే గేట్ కరీమాబాద్ ప్రధాన రహదారిపై రోడ్డు ప్రమాదంలో శుక్రవారం ఓ వానరందుర్మరణం చెందిన సంఘటన చోటుచేసుకుంది స్థానికులు తెలిపిన వివరాల ప్రకారం రోడ్డుపై వెళ్తున్న వాహనం ఢీకొని ఓ కోతి దుర్మరణం చెందింది. మరణించిన కోతి నడిరోడ్డుపై అలాగే ఉండడంతో మిగతా కోతులు చనిపోయిన కోతి వద్దకు వచ్చి కోపంతో వాహనదారులు వెళ్లకుండా ఆదుకోవడం జరిగింది. ఎవరైనా అటువైపు వెళ్తే వారిని కోతులు బెదిరించడం కనిపించింది. దీంతో సుమారు గంటన్నర పాటు రోడ్డుపై వాహనాలు జామ్ అయ్యాయి. అనంతరం చనిపోయిన కోతిని తీసుకొని వానరాలు అక్కడినుంచి వెళ్లిపోవడంతో ట్రాఫిక్ సమస్య తొలగిపోయిందని స్థానికులు తెలిపారు.