సైదాపూర్ జనం సాక్షి అక్టోబర్ 2(లస్మన్నపల్లి) స్వాతంత్ర సమరయోధులు జాతిపిత మహాత్మా గాంధీ జయంతిని మండలంలోని లస్మన్నపల్లి గ్రామపంచాయతీ ఆవరణలో ఘనంగా నిర్వహించారు.ఈ సందర్భంగా గాంధీ మహాత్ముని చిత్రపటానికి పూలమాలలు వేసి నివాళులర్పించారు. ఈ సందర్భంగా సర్పంచ్ కాయిత రాములు మాట్లాడుతూ…గాంధీజీ ఆశయాలను ప్రతి ఒక్కరూ కొనసాగించాలని కోరారు. అహింస పద్ధతిలో దేశానికి స్వాతంత్రం తీసుకొచ్చిన గొప్ప నేత గాంధీజి అని పేర్కొన్నారు. ప్రపంచ దేశాల్లో సైతం గాంధీజీని శాంతి దూతగా పరిగణిస్తున్నారని అన్నారు.ఈ కార్యక్రమంలో ఉప సర్పంచ్ మ్యాకల మల్లారెడ్డి, పంచాయతీ కార్యదర్శి శ్రీలక్ష్మి,వార్డు సభ్యులు రేగుల సురేష్, కోఆప్షన్ సభ్యులు కొట్టే వెంకటరెడ్డి,వివోఏ , ఆశ వర్కర్ నిర్మల, గ్రామస్తులు పాల్గొన్నారు.