• లింగన్న లేని లోటు నియోజకవర్గంలో స్పష్టంగా కనిపిస్తుంది…

• చివరి శ్వాస వరకు పేదల సంక్షేమమే ధ్యేయంగా పనిచేశారు.

దౌల్తాబాద్, ఆగస్టు 6,జనం సాక్షి.

దుబ్బాక మాజీ ఎమ్మెల్యే సోలిపేట రామలింగారెడ్డి రెండవ వర్ధంతి సందర్భంగా దౌల్తాబాద్ మండల కేంద్రం లోని శివాజీ చౌరస్తాలో సోలిపేట రామలింగారెడ్డి చిత్రపటానికి పూలమాలలు వేసి నివాళులు అర్పించారు తెరాస నాయకులు, కార్యకర్తలు. అనంతరం నియోజకవర్గంలో రామలింగారెడ్డి చేసి పనులను గుర్తుచేసుకున్నారు. టిఆర్ఎస్ పార్టీ మండల అధ్యక్షులు రణం శ్రీనివాస్ గౌడ్ మాట్లాడుతూ లింగన్న లేని లోటు స్పష్టంగా కనిపిస్తోందన్నారు. చివరి శ్వాస వరకు బడుగు బలహీనర్గాల ప్రజలకోసమే లింగన్న పనిచేశారని కొనియాడారు. లింగన్న ఆశయాలను కొనసాగించాల్సిన బాధ్యత ప్రతి తెరాస కార్యకర్త మీద ఉందన్నారు. ఈ కార్యక్రమంలో జిల్లా కోఆప్షన్ సభ్యులు సయ్యద్ రహీముద్దీన్,సర్పంచ్ ఆది వెంకటేశ్వర్లు, ఉప సర్పంచ్ యాదగిరి, పట్టణ అధ్యక్షులు ఉమ్మడి నరసింహారెడ్డి, నాయకులు మల్లేశం, జనార్దన్ రెడ్డి, నాగరాజు, షాదుల్లా,రెడ్డి శ్రీనివాస్ ,దేవగౌడ్,రవి తదితరులు పాల్గొన్నారు