కోదాడ సెప్టెంబర్ 27(జనం సాక్షి) మండలంలోని నల్లబండగూడెం రామాపురం క్రాస్ రోడ్డు వద్ద లైఫ్ ట్రీ ట్రాన్స్పోర్ట్ వారి లైఫ్ ట్రీ ట్రస్ట్ ఆధ్వర్యంలో ఈరోజు ఉచిత మెగా వైద్య శిబిరం, హ్యాండ్ ఆప్ హోప్ మినిస్ట్రీ స్వచ్ఛంద సేవ సంస్థ వారి తో కలిసి ఈ మెగా క్యాంపు నిర్వహించారు. ప్రముఖ స్పెషలిస్టు డాక్టర్ల ఆధ్వర్యంలో రెండు సెంటర్లలో హెల్త్ క్యాంపులు నిర్వహించారు.మేళ్లచెరువు మండలం రామాపురం, కోదాడ మండలం నల్లబండగుడెం రామాపురం క్రాస్ రోడ్డు దగ్గర ఈ రెండు మెగా క్యాంపులలో సుమారుగా 1000 మంది పైగా ఉచిత వైద్య శిబిరంలో పాల్గొని వారి యొక్క సేవలు వినియోగించుకున్నారు. అత్యాధునికమైన పరికరాలతో డిజిటల్ ఎక్సరే ,ఈసీజీ, షుగర్ టెస్ట్, కరోనా టెస్ట్, కార్డియాలజీ కి సంబంధించిన టెస్టులు నిర్వహించారు. దీంతోపాటు కంటి పరీక్షలు నిర్వహించి అవసరాన్ని బట్టి కళ్లద్దాలు మరియు మందులు ఉచితంగా అందించారు.ఈ ట్రస్టు ప్రోప్రైటర్ కె హరిక్రిష్ణ

మాట్లాడుతూ ఇలాంటి సేవా కార్యక్రమాలు ఇక్కడే కాదు వివిధ జిల్లాలలో కూడా అనేక చోట్ల పెద్ద,పెద్ద మెగా వైద్య శిబిరాలు నిర్వహించామని తెలిపారు. వీరితోపాటు ప్రముఖ స్పెషల్ లిస్ట్ బ్రదర్ కెనడీ డైరెక్టర్ మరియు తదితర డాక్టర్లు, మరియు ట్రస్ట్, వారి కుటుంబ సభ్యులు, ట్రస్ట్ వాలంటీర్లు. మేనేజర్ రమేష్ తదితరులు పాల్గొన్నారు.