దంతాలపల్లి ఆగస్టు 6 జనంసాక్షి

ఇటీవల కురుస్తున్న భారీ వర్షాలకు మండలంలోని వాగులు పొంగి పొర్లుతున్న విషయం తెలిసిందే. కాగా స్థానిక ఎస్సై తెలిపిన వివరాల ప్రకారం శనివారం ఉదయం మండలంలోని రామవరం పెద్ద ముప్పారం గ్రామాల మధ్య ప్రవహించే పాలేరు నదిలో చేపలు పట్టేందుకు వెళ్ళిన తూర్పు తండా గ్రామ శివారు దుబ్బ తండాకు చెందిన యాకేష్ అనే యువకుడు వరద ఉధృతికి కొట్టుకుపోతుండటంతో విషయం తెలుసుకున్న ఎస్సై స్థానిక సర్పంచ్ ఆమడగాని సారంగపాణి, గంగినేని మధుకర్ తదితర యువకుల సహకారంతో రక్షించి ఒడ్డుకు చేర్చామన్నారు. అనంతరం వైద్య పరీక్షల నిమిత్తం మండల కేంద్రంలోని ప్రాథమిక ఆరోగ్య తరలించగా విషయం తెలుసుకున్న స్థానిక ఎమ్మెల్యే డి ఎస్ రెడ్డి నాయక్ ఆరోగ్య కేంద్రానికి వెళ్లి యువకున్ని పరామర్శించారు.