కమ్మర్పల్లి15సెప్టెంబర్(జనంసాక్షి) విజ్ఞానాన్ని అన్ని రకాలుగా అభివృద్ధి చేయడం ద్వారా సమగ్ర అభివృద్ధి సాధ్యమవుతుందని కమ్మర్ పల్లి మండల విద్యాధికారి ఆంద్రయ్య అన్నారు. మండల విద్యావనరుల కేంద్రంలో నిర్వహించిన సైన్స్ సెమినార్ కు ఆయన ముఖ్య అతిథిగా హాజరయ్యారు. ఈ కార్యక్రమంలో విద్యార్థులు వారు ప్రదర్శన ఇచ్చారు. సుస్థిర అభివృద్ధి అనే అంశంపై నిర్వహించిన ఈ కార్యక్రమంలో అడవులు పరిశ్రమలు   ఆధాయ అభివృద్ధి తదితర అంశాలపై విద్యార్థులు ఇచ్చిన ప్రదర్శనలు ఆకట్టుకున్నాయి. మొదటి రెండు స్థానాలను కైవసం చేసుకున్న చౌట్ పల్లి కమ్మర్ పల్లి పాఠశాలలకు ఎం ఇ ఒ ఆంద్రయ్య బహుమతులు అందచేశారు. జిల్లా స్థాయికి చౌట్పల్లి పాఠశాల విద్యార్థి నాగహరిణి ని ఎంపిక చేశారు. ఈ కార్యక్రమంలో శ్రీనివాస మూర్తి గజానంద్ లు న్యాయ నిర్ణేతాలుగా వ్యవహరించగా ఉపాధ్యాయులు రాజు షాదుల్ల, జలంధర్ మహేష్ లక్ష్మి తదితరులు పాల్గొన్నారు.