మర్పల్లి ఆగస్టు 11 (జనం సాక్షి) వికారాబాద్ జిల్లా మర్పల్లి మండల కేంద్రము లోని ప్రభుత్వ ప్రాథమిక పాఠశాలలో విద్యార్థినీ, విద్యార్థులకు ఉచితంగా నోట్ బుక్స్, టై, బెల్ట్ లకు శుక్రవారం రోజున రామకృష్ణారెడ్డి ట్రస్ట్ చైర్మన్ నరేందర్ రెడ్డి పంపిణీ చేశారు. ఈ సందర్భంగా ఏర్పాటు చేసిన కార్యక్రమంలో ఆయన మాట్లాడుతూ విద్యార్థులు శ్రద్ధతో చదువుకొని, ఉపాధ్యాయులు, తల్లిదండ్రులకు మంచి గుర్తింపును తీసుకురావాలని అన్నారు. ఈ కార్యక్రమంలో ప్రధానోపాధ్యాయులు శ్రీశైలం, సువర్ణ, ఉపాధ్యాయులు వీరేశం, సంగమేశ్వేర్, వెంకటయ్య, హరి కృష్ణ పాల్గొన్నారు.