– ఎంపీపీ సత్యహరిశ్చంద్ర

కుల్కచర్ల,ఆగస్టు14(జనం సాక్షి):

విద్యార్థులు చక్కగా చదివి ఉన్నత శిఖరాలను అధిరోహించాలని ఎంపీపీ సత్యహరిశ్చంద్ర, జెడ్పీటీసీ రాందాస్ నాయక్ అన్నారు.ఆదివారం కుల్కచర్ల మండల పరిధిలోని చెల్లాపూర్ ప్రాథమిక పాఠశాలలో విద్యార్థులకు నోట్ బుక్స్, పెన్నులు, పెన్సిల్స్ ఇతర సామాగ్రి పంపిణీ చేశారు. అనంతరం గ్రామ అభివృద్ధి కొరకు ఎంపీపీ నిధుల నుండి 3 లక్షల రూపాయల విలువగల సీసీ రోడ్డు నిర్మాణ పనులు గ్రామ సర్పంచ్ చంద్రయ్యకు ఇవ్వడం జరిగింది.ఈ సందర్భంగా వారు మాట్లాడుతూ..గ్రామీణ ప్రాంతాల్లోని విద్యార్థులు చక్కగా చదువుకుంటేనే మంచి భవిష్యత్తు ఉంటుందని తెలిపారు.ప్రభుత్వ పాఠశాలలోనే నాణ్యమైన విద్య అందుతుందని సూచించారు.ఈ కార్యక్రమంలో స్థానిక గ్రామ సర్పంచ్ చంద్రయ్య, ఉప సర్పంచ్ వెంకటేష్, దోమ ఎంఈఓ హరిచందర్, వార్డు సభ్యుడు గోపాల్, మాజీ సర్పంచ్ వెంకటయ్య, ఉపాధ్యాయులు, గ్రామస్తులు, విద్యార్థులు తదితరులు పాల్గొన్నారు.