విద్యార్థుల ఇక్కట్లు.. తల్లిదండ్రుల ఆగ్రహం..
డోర్నకల్ సెప్టెంబర్ 16 జనం సాక్షి
తెలంగాణ జాతీయ సమైక్య వజ్రోత్సవాల సందర్భంగా రాష్ట్ర ప్రభుత్వం భారీ ఏర్పాట్లు చేసింది.ఇందుకు రాష్ట్ర నలుమూలల నుంచి ప్రజలను తరలించుటకు భారీగా ఆర్టీసీ బస్సులను వినియోగిస్తుంది.ఇందుకు మహబూబాబాద్ డిపోకు చెందిన బస్సులను సైతం అద్దెకు తీసుకుంది.దీంతో మండలం నుంచి చిలుకోడు ఆదర్శ పాఠశాలకు విద్యార్థులను తరలించే ఆర్టీసీ బస్సు రాక కోసం శుక్రవారం విద్యార్థినీ,విద్యార్థులు రోడ్లపై పడిగాపులు కాశారు.విషయం తెలుసుకున్న జనం సాక్షి ప్రతినిధి ఆర్టీసీ సిబ్బందితో మాట్లాడి పై విషయాన్ని విద్యార్థులకు వివరించారు.బస్సు రద్దు చేస్తున్న విషయాన్ని ముందస్తుగా అధికారులు తెలపకపోవడం పట్ల విద్యార్థుల తల్లిదండ్రులు తీవ్ర ఆగ్రహం వ్యక్తం చేస్తున్నారు.
Attachments area
