మట్టి వినాయకులను పూజించాలని పిలుపు

జనంసాక్షి /మెదక్ ఆగస్టు 30 వినాయక చవితి సందర్భంగా మెదక్ ప్రాంత ప్రజలందరికీ సీఎం కేసీఆర్ రాజకీయ కార్యదర్శి, ఎమ్మెల్సీ శేరి సుభాష్ రెడ్డి శుభాకాంక్షలు తెలియజేశారు. ప్రజలందరికీ సకల శుభాలు కలగాలని, అందరి జీవితాల్లో విఘ్నాలు తొలగిపోయి విజయాలు సిద్ధించాలని ఎమ్మెల్సీ ఆకాంక్షించారు. విఘ్నేశ్వరుడి ఆశీస్సులతో ప్రతి కుటుంబం సుఖ సంతోషాలతో, అభివృద్ధిలో ముందడుగు వేయాలని అభిలషించారు. ప్రతి ఇంటా వినాయక చవితి సందర్భంగా ప్రతిష్టించే గణనాథులకు భక్తి శ్రద్ధలతో పూజలు చేసి, అందరికీ మంచి జరగాలని, సమస్యలు తొలిగిపోవాలని, అందరికీ గణనాథుని ఆశీసులతో శుభాలు, విజయాలు చేకూరాలని ప్రజలందరూ ప్రార్థించాలని ఎమ్మెల్సీ శేరి సుభాష్ రెడ్డి కోరారు. మట్టి వినాయకులను పూజించి పర్యావరణాన్ని కాపాడాలని ఎమ్మెల్సీ గారు పిలుపునిచ్చారు.