వేములవాడ, జూలై29( జనం సాక్షి) రాజన్న సిరిసిల్ల జిల్లా, ప్రముఖ శైవక్షేత్రమైన వేములవాడ నుండి యాదాద్రి లక్ష్మీ నృసింహుని దర్శించుకునేందుకు భక్తులకు వీలుగా వేములవాడ,పరిసర గ్రామాల ప్రజలకు,భక్తులకు వీలుగా వేములవాడ డి. ఎస్పీ. నాగేంద్ర చారి బస్సును ప్రారంభించారు.

ఈ సందర్భంగా డి ఎస్పీ మాట్లాడుతూ తెలంగాణ రాష్ట్ర రోడ్డు రవాణా సంస్థ ప్రజలకు, భక్తులకు గొప్ప రవాణా సౌకర్యాన్ని కల్పించిందని, ఈ సందర్భంగా వేములవాడ డిపో మేనేజర్ భీమ్ రెడ్డి ని అభినందించారు.

అనంతరం డిపో మేనేజర్ భీమ్ రెడ్డి మాట్లాడుతూ శుక్రవారం నుండి వేములవాడ- యాదాద్రి కి ఉదయం 7.00 గంటలకు, మధ్యాహ్నం 12.30 గంటలకు, యాదాద్రి-వేములవాడ కు ఉదయం 11.30 గంటలకు, సాయంత్రం 04.45 గంటలకు బస్సు సౌకర్యం కల్పించామని, ప్రజలు, భక్తులు సద్వినియోగం చేసుకోవాలని వేములవాడ డిపో మేనేజర్ భీమ్ రెడ్డి తెలిపారు.

ఈ కార్యక్రమంలో పట్టణ ఇన్స్పెక్టర్ వెంకటేష్, ఆర్ టి సి సిబ్బంది తదితరులు పాల్గొన్నారు.