భైంసా రూరల్ జనం సాక్షి ఆగస్టు21 నిర్మల్ జిల్లా ముదోల్ నియోజకవర్గంలో సో0మవారం నాగపంచమి పండుగ వేడుకలను ఘనంగా నిర్వహించారు.ఈ సందర్భంగా భైంసా పట్టణ శివారు నాగదేవత ఆలయం, భైంసా పట్టణంలోని సోనాచంది మార్కెట్ లో గల నాగదేవత ఆలయం,కిసాన్ గల్లి నేతాజీ నగర్ సాయిబాబా ఆలయాలలో భక్తులతో కిటకిటలాడాయి. చుట్టుపక్కల ఉన్నటువంటి వివిధ ప్రాంతాలకు చెందిన వేలాది మంది భక్తులు ఉదయం నుంచే నాగ దేవతలను దర్శించుకుని,పుట్టలో పాలు పోసి పసుపు కుంకుమ వేసి పూజలు నిర్వహించి, తమ మొక్కులు చెల్లించుకున్నారు. సేవాబారతి తరపున భక్తులకు అన్ని రకాల ఏర్పాట్లు చేశారు. అదేవిధంగా భక్తులకు ఎలాంటి అసౌకర్యం కలగకుండా స్థానిక పోలీసులు బందోబస్తు నిర్వహించారు.