-మండపాల వద్ద అన్నదానాలు

-ప్రత్యేక పూజలు నిర్వహించిన ఎఫ్ డిసీ చైర్మన్ వంటేరు ప్రతాప్ రెడ్డి

జగదేవ్ పూర్ , సెప్టెంబర్ 9 (జనం సాక్షి):

వినాయక నవరాత్రులను పురస్కరించుకుని జగదేవ్ పూర్ మండలంలోని వివిధ గ్రామాల్లో నెలకొల్పిన వినాయకుడి మండపాల వద్ద  నవరాత్రి ఉత్సవాలు వైభవంగా కొనసాగుతున్నాయి.  వినాయకుడికి భక్తి శ్రద్ధలతో పూజలు నిర్వహించి భక్తులు భజనలు చేస్తున్నారు. అదే విధంగా ఆయా మండపాల వద్ద అన్నదాన కార్యక్రమాలను కూడా నిర్వహిస్తున్నారు. శుక్రవారం మండల కేంద్రమైన జగదేవ్ పూర్ లో శివాజీ యూత్ క్లబ్  నెలకొల్పిన వినాయకుడి మండపం వద్ద రాష్ట్ర అటవీ అభివృద్ధి సంస్థ చైర్మన్ వంటేరు ప్రతాప్ రెడ్డి  ప్రత్యేక పూజలు నిర్వహించారు. ఈ సందర్బంగా యూత్ క్లబ్ సభ్యులు ఎఫ్ డి సి చైర్మన్  ప్రతాప్ రెడ్డిని  ఎంపీపీ అధ్యక్షుడు మెరుగు బాలేశం గౌడ్ తో పాటు పలువురు టీఆర్ఎస్ నాయకులను శాలువాలతో సన్మానించారు. అదేవిధంగా మండలంలోని మునిగడప గ్రామంలో స్థానిక బొడ్రాయి వద్ద నెలకొల్పిన వినాయకుడి మండపం వద్ద  మండల రజక సంఘం ఉపాధ్యక్షుడు వడ్లకొండ శ్రీనివాస్ ఆధ్వర్యంలో అన్నదాన కార్యక్రమం నిర్వహించారు.ఈ కార్యక్రమంలో మండల రజక సంఘం అధ్యక్షుడు రాచమల్ల ఎల్లేష్, గౌరవ అధ్యక్షులు అక్కారం నర్సింహులు, రాష్ట్ర రజక సంఘం నాయకులు కనకయ్య, మండల నాయకులు రాచకొండ యాదగిరి బాల్ నర్సయ్య కరుణాకర్  మెతుకు నర్సింలు  జూపల్లి రాజశేఖర్ నాగరాజు రమేష్ తదితరులు పాల్గొన్నారు. ఈ సందర్బంగా రజక సంఘం నాయకులు పలువురికి శాలువాలతో సన్మానం చేశారు.