నల్లగొండ,డిసెంబర్‌15(జ‌నంసాక్షి):స్వచ్ఛభారత్‌ పథకంలో భాగంగా ఉమ్మడి నల్లగొండ జిల్లాలో మార్చి 31నాటికి ఓడీఎఫ్‌ కింద వ్యక్తిగత మరుగుదొడ్ల నిర్మాణాలు పూర్తికావాలని జిల్లా కలెక్టర్‌ గౌరవ్‌ ఉప్పల్‌ సూచించారు. ప్రతి ఒక్కరూ దీనిని తమదిగా భావించాలని, గ్రామ సర్పంచ్‌లు ప్రత్యేక చొరవ తీసుకుని పూర్తి చేయాలని అన్నారు. ఈ మేరకు పంచాయతీ కార్యదర్శులు, ఉపాధి హావిూ సిబ్బంది కృషి చేయాలని పిలుపునిచ్చారు. బహిరంగ మల, మూత్ర విసర్జన  రహిత గ్రామాలను తయారు చేసుకోవలన్నారు. ఉమ్మడి జిల్లాలో 800 గ్రామ పంచాయతీలకు గాను ఓడీఎఫ్‌ కింద ఇప్పటికే 399 గ్రామాలలో వ్యక్తిగత మరుగుదొడ్ల నిర్మాణం పూర్తి చేసినట్లు వివరించారు. పంచాయతీ కార్యదర్శులు, ఉపాధి హావిూ సిబ్బంది ప్రజా ప్రతినిధుల సహకారం తీసుకుని నిర్ధిష్ట గడువులోగా వ్యక్తిగత మరుగుదొడ్ల నిర్మాణం పూర్తి చేయాలని ఆదేశించారు. మండల పరిషత్‌ అధికారులు నిరంతరం పర్యవేక్షించి, వ్యక్తిగత మరుగుదొడ్ల నిర్మాణం పూర్తి చేసేలా చర్యలు తీసుకోవాలని కలెక్టర్‌ కోరారు.మరుగుదొడ్ల నిర్మాణం చేపట్టిన లబ్ధిదారులకు బిల్లుల చెల్లింపులో కూడా ఎలాంటి జాప్యం జరగకుండా అధికార యంత్రాంగం ప్రజాప్రతినిధులను సమన్వయం చేసుకుంటూ మరుగుదొడ్లు లేని వారిని గుర్తించాలన్నారు. గడువులోగా బహిరంగ మల, మూత్ర విసర్జన లేని గ్రామపంచాయతీలుగా గుర్తించాలని సూచించారు. ఇందుకు  ప్రజా ప్రతినిధులు సహకరించాలని కోరారు.